کراچی: (دنیا نیوز) سٹیٹ بینک آف پاکستان نے کہا ہے کہ گزشتہ ہفتے کے دوران زرمبادلہ کے مجموعی ذخائر میں 5 کروڑ 48 لاکھ ڈالر کا اضافہ ہوگیا۔
سٹیٹ بینک آف پاکستان کے اعداد وشمار کے مطابق ملکی مجموعی ذخائر 19 ارب 68 کروڑ ڈالر سے بڑھ کر 19 ارب 73 کروڑ 60 لاکھ ڈالر پر پہنچ گئے ہیں۔
اعداد و شمار کے مطابق سٹیٹ بینک ذخائر 2 کروڑ 10 لاکھ ڈالر اضافے سے 14ارب 35 کروڑ 70 لاکھ ڈالر ہوگئے جبکہ کمرشل بینکوں کے ذخائر 3 کروڑ 39 لاکھ ڈالر بڑھ کر 5 ارب 37 کروڑ 80 لاکھ ڈالر ہوگئے ہیں۔
