کراچی: (دنیا نیوز) عالمی اور مقامی مارکیٹوں میں سونے کی قیمتیں مزید بڑھ کر تاریخ کی بلند ترین سطح پر پہنچ گئیں۔
بین الاقوامی بلین مارکیٹ میں فی اونس سونے کی قیمت 15ڈالر کے اضافے سے 3ہزار 955ڈالر کی نئی بلند سطح پر آگئی جبکہ پاکستان میں فی تولہ سونے کی قیمت میں 1500 روپے اور دس گرام سونے کی قیمت میں 1286 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 4 لاکھ 16 ہزار 778 روپے اور دس گرام سونے کی قیمت 3 لاکھ 57 ہزار 319 روپے کی نئی بلند ترین سطح پر پہنچ گئی۔
