کراچی: (دنیا نیوز) عالمی اور مقامی مارکیٹ میں سونے کی قیمتیں مستحکم رہیں جبکہ چاندی کی قیمت میں معمولی اضافہ ہوا ہے۔
بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 4 ہزار 165 ڈالر کی سطح پر مستحکم رہی۔
آل پاکستان جیمز اینڈ جیولرز صرافہ ایسوسی ایشن کے مطابق ملک میں 24 قیراط فی تولہ سونے کی قیمت بھی بغیر کسی تبدیلی کے 4 لاکھ 38 ہزار 862 روپے کی سطح پر برقرار رہی، اس کے علاوہ دس گرام سونے کی قیمت 3 لاکھ 76ہزار 253 روپے کی سطح پر مستحکم رہی۔
سونے کے نرخوں کے برعکس بین الاقوامی بلین مارکیٹ میں فی اونس چاندی کی قیمت 1.60ڈالر کے اضافے سے 53.70ڈالر کی سطح پر آنے سے مقامی صرافہ مارکیٹوں میں بھی فی تولہ چاندی کی قیمت مزید 160روپے کے اضافے سے 5ہزار 642روپے اور فی 10 گرام چاندی کی قیمت بھی 138روپے کے اضافے سے 4ہزار 699روپے کی سطح پر آگئی۔
