کراچی: (دنیا نیوز) عالمی اور مقامی مارکیٹ میں سونا سستا اور چاندی مہنگی ہوگئی۔
آل پاکستان جیمز اینڈ جیولرز صرافہ ایسوسی ایشن کے مطابق مقامی مارکیٹ میں 24 قیراط فی تولہ سونا 1 ہزار روپے کمی سے 4 لاکھ 43 ہزار 162 روپے کا ہوگیا، جبکہ 10 گرام سونے کے بھاؤ 858 روپے کمی سے 3 لاکھ 79 ہزار 939 روپے ہوگئے۔
عالمی مارکیٹ میں فی اونس سونا 10 ڈالر کم ہو کر 4208 ڈالر کا ہوگیا ہے۔
دوسری جانب مقامی مارکیٹ میں 24 قیراط فی تولہ چاندی کی قیمت 81 روپے بڑھ کر 6 ہزار 85 روپے کی سطح پر پہنچ گئی، جبکہ عالمی مارکیٹ میں فی اونس چاندی اضافے کے بعد 58.13 ڈالر ہوگئی۔
