لاہور(دنیا نیوز )دورہ آئر لینڈ اور انگلینڈٖ کیلئے گوروں کے دیس موجود قومی ٹیسٹ ٹیم آج بھی خوب ٹریننگ کرے گی، شاہین آئرش ٹیم کے خلاف واحد ٹیسٹ سے قبل 28 اپریل اور 4 مئی کو دو پریکٹس میچ کھیلیں گے۔
کینٹربری کے ٹھنڈے موسم میں قومی کرکٹ ٹیم کی پریکٹس جاری رہی، گزشتہ روز آل راؤنڈر فہیم اشرف سمیت دیگر کھلاڑیوں کو بیٹنگ ٹِپس دی گئیں، گرین کیپس آج بھی بیٹنگ، بائولنگ اور فیلڈنگ کی خامیاں دور کرنے کیلئے خوب مشقیں کریں گے۔
سرفراز کی قیادت میں ٹیم پاکستان 28 اپریل اور 4 مئی کو پریکٹس میچز کھیلے گی، پاکستان کا آئرلینڈ کے خلاف واحد ٹیسٹ 11 مئی کو ڈبلن میں شیڈول ہے۔
