لاہور: (دنیا نیوز) جنوبی افریقہ کے خلاف مشکل سیریز کے لئے قومی کرکٹ ٹیم آج مختلف ٹولیوں میں پروٹیز کے دیس روانہ ہو گی۔ ہیڈ کوچ مکی آرتھر پہلے ہی وہاں موجود ہیں۔
نیوزی لینڈ کے خلاف ٹیسٹ سیریز میں شکست کے بعد قومی کرکٹرز نے کچھ آرام کیا اور اب سخت امتحان کی باری ہے۔ جس کے لئے پاکستان کرکٹ ٹیم آج شب جنوبی افریقہ کے لئے روانہ ہو گی۔
کپتان سرفراز احمد، شان مسعود اور اسد شفیق کراچی سے دبئی پہنچیں گے۔ لیگ سپنریاسر شاہ نجی مصروفیت کے باعث 20 دسمبر کو ٹیم جوائن کریں گے۔
فیلڈنگ کوچ گرانٹ بریڈ برن دبئی میں سکواڈ کے ساتھ شامل ہوں گے جب کہ مکی آرتھر، گرانٹ لوڈن اور فزیو کلیو پہلے ہی ساوتھ افریقہ میں موجود ہیں۔ قومی ٹیم جنوبی افریقہ کے خلاف 5 ون ڈے، 3 ٹی ٹونٹی میچ کھیلے گی۔ اسکے علاوہ تین ٹیسٹ میچوں سے قبل 19 دسمبر سے تین روزہ میچ بھی کھیلا جائے گا، تین ٹیسٹ میچز کی سیریز کا آغاز 26 دسمبر سے ہو گا۔
