دبئی : (دنیا نیوز) ٹیسٹ کھلاڑیوں کی نئی رینکنگ جاری کر دی گئی، بلے بازوں میں کوہلی پہلے، اظہر علی دسویں نمبر پر برقرار ہیں۔ پرتھ ٹیسٹ کے ہیرو نیتھن لیون، بولنگ کے ٹاپ ٹین میں شامل ہو گئے، انجری کا شکار محمد عباس کی چوتھی پوزیشن ہے۔
دبئی سے جاری ٹیسٹ پلیئرز کی تازہ رینکنگ کے مطابق بلے بازوں میں ویرات کوہلی پہلے اور اظہر علی دسویں نمبر پر براجمان ہیں۔
رینکنگ میں باولرز کے حوالے سے تبدیلیاں دیکھی گئیں، بھارت کے خلاف پرتھ ٹیسٹ کے ہیرو نیتھن لیون نے ترقی کرتے ہوئے ساتویں نمبر پر قبضہ جما لیا۔ ان کے ساتھ کھلاڑی جوش ہیزل وُڈ کو بہترین کارکردگی کا انعام مل گیا، وہ نویں نمبر کے باولر بن گئے، انجری کا شکار قومی فاسٹ باولر محمد عباس چوتھے نمبر پر ہیں۔
