نیپئر: (روزنامہ دنیا) نیوزی لینڈ اور بھارت کے درمیان پہلے ون ڈے انٹرنیشنل کرکٹ میچ میں سورج کی تیز کرنوں کے باعث میچ کو روک دیا گیا۔
تفصیلات کے مطابق بدھ کو نیپئر میں نیوزی لینڈ اور بھارت کے درمیان کھیلے گئے پہلے ایک روزہ میچ میں سورج آب و تاب سے چمک رہا تھا اور اس کی تیز کرنیں سیدھی بلے بازوں کی آنکھوں پر پڑ رہی تھیں جس کی وجہ سے انہیں کھیلنے میں دشواری کا سامنا تھا تو امپائرز نے فوری طور پر میچ روک دیا اور تقریباً آدھ گھنٹہ تاخیر کے بعد میچ کو دوبارہ شروع کیا گیا۔
یاد رہے کہ بھارت نے نیوزی لینڈ کو پہلے ون ڈے میچ میں شکست دے کر پانچ میچوں کی سیریز میں 0-1 کی برتری حاصل کر لی تھی۔
