لاہور: (دنیا نیوز) آئی سی سی نے ٹیسٹ پلیئرز کی تازہ رینکنگ جاری کر دی، کیرئر کا پہلا ٹیسٹ جیتنے والے افغان کھلاڑیوں کو انعام مل گیا۔ بیٹسمین رحمت شاہ کی 88 جبکہ لیگ سپنر راشد خان کو پچاس درجے ترقی ملی۔
آئرلینڈ کے خلاف کیرئر کا پہلا ٹیسٹ جیتنے والی افغان ٹیم کے بیٹسمین رحمت شاہ کی 88 درجے ترقی ہوئی، ٹاپ 10 میں کوئی پاکستانی شامل نہیں، رینکنگ میں بھی کوئی تبدیلی نہیں آئی۔
بولنگ میں محمد عباس ایک درجہ تنزلی کا شکار ہو کر نویں نمبر پر پہنچ گئے، افغان بولر یامین احمد زئی کو 45 درجے ترقی سے 50 ویں پوزیشن کا انعام ملا جبکہ خطرناک لیگ سپنر راشد خان 50 درجے ترقی سے 67 ویں نمبر کے بولر بن گئے۔
