کراچی: (دنیا نیوز) پاکستان سری لنکا کے درمیان ون ڈے سیریز کی تیاریاں حتمی مراحل میں داخل ہو گئیں۔ ۔سندھ رینجرز نے نیشنل سٹیڈیم کا کنٹرول سنبھال لیا۔
پاکستان میں پھر سے انٹرنیشنل کرکٹ کا رنگ جمے گا۔ نیشنل سٹیڈیم کراچی میں پاکستان سری لنکا ون ڈے سیریز کی تیاریاں عروج پر پہنچ گئیں۔ گراونڈ، ڈریسنگ روم، چئیرمین باکس سمیت وی آئی پی اور جنرل انکلوژرز کی تزئین و آرائش بھی ہو گئی۔
پاکستان رینجرز سندھ نے سٹیڈیم کا کنٹرول سنبھال لیا، سٹیڈیم ڈاگ سرچنگ اور خصوصی آلات کے ذریعے کلئیر کیا جا رہا ہے۔ پاکستان ٹیم کل سٹیڈیم میں پریکٹس سیسیشن میں حصہ لے گی اور مہمان ٹیم بھی کل کراچی پہنچے گی۔۔
پاکستان اور سری لنکا کے درمیان ون ڈے سیریز کا پہلا میچ 27 ستمبر کو کھیلا جائے گا۔
