لاہور: (ویب ڈیسک) پاکستانی ٹی ٹونٹی ٹیم کے کپتان بابر اعظم کو دوسری مرتبہ آئی سی سی ون ڈے ٹیم آف دی ایئر میں شامل کر لیا گیا، دائیں ہاتھ کے بلے باز اس سے قبل 2017ء میں بھی آئی سی سی ون ڈے ٹیم آف دی ایئر کا حصہ رہ چکے ہیں۔
بدھ کے روز انٹرنیشنل کرکٹ کونسل کی جانب سے اعلان کردہ ون ڈے ٹیم آف دی ایئر میں موجود دیگر کھلاڑیوں میں روہت شرما، شائی ہوپ، ویرات کوہلی، کیسن ولیمسن، بین سٹوکس، جوز بٹلر، مچل سٹارک، ٹرینٹ بولٹ، محمد شامی اور کلدیپ یادیو کے نام شامل ہیں۔
کلینڈر ایئر 2019ء میں بابر اعظم نے 20 ون ڈے انٹرنیشنل میچز میں 60.66 کی اوسط اور 92.30 کے اسٹرائیک ریٹ سے 1092 رنز سکور کیے۔ اس دوران انہوں نے تین سنچریاں اور چھ نصف سنچریاں سکور کیں۔
Five World Cup centuries is a special effort!
— ICC (@ICC) January 15, 2020
Listen to @ImRo45 talk about his 2019 in ODI cricket.#ICCAwards pic.twitter.com/MCFDwW87Hu
2019ء میں بابر اعظم نے اپنی پہلی سنچری ٹرینٹ برج میں انگلینڈ کے خلاف سکور (115 رنز)کی۔ انہوں نے دوسری سنچری نیوزی لینڈ کے خلاف بنائی (101 رنز ناٹ آؤٹ)جبکہ نیشنل سٹیڈیم کراچی میں سری لنکا کے خلاف 115 رنز کی اننگز بابر اعظم کی کیلنڈر ایئر میں تیسری سنچری تھی۔
A lovely moment in a special year of cricket.@imVkohli discusses the importance of playing cricket in the right way #ICCAwards pic.twitter.com/u3x44GFqQQ
— ICC (@ICC) January 15, 2020
آئی سی سی نے ون ڈے ٹیم آف دی ایئر کے اعزاز کا آغاز 2004ء میں شروع کیا تھا جہاں اب تک مختلف ادوار میں آٹھ پاکستانی کرکٹرز یہ اعزاز اپنے نام کر چکے ہیں، 2005ء میں انضمام الحق اور رانا نوید الحسن، عمر گل 2009ء اور 2011، 2012 میں شاہد آفریدی اور سعید اجمل، 2013ء میں سعید اجمل، 2014ء میں محمد حفیظ جبکہ 2017ء میں بابر اعظم اور حسن علی آئی سی سی ایک روزہ ٹیم آف دی ایئر کا حصہ رہ چکے ہیں۔
2019 was an incredible year for @benstokes38
— ICC (@ICC) January 15, 2020
Hear from the man himself having won the Sir Garfield Sobers Trophy for 2019 #ICCAwards pic.twitter.com/1giYgWC7tJ
2019ء میں پہلی بار آئی سی سی کرکٹ ورلڈکپ میں شرکت کرنے والے بابر اعظم 474 رنز بنا کر میگا ایونٹ میں پاکستان کی جانب سے سب سے زیادہ رنز بنانے کا اعزاز بھی اپنے نام کر چکے ہیں، بابر آئی سی سی ون ڈے پلیئرز رینکنگ میں تیسرے نمبر پر براجمان ہیں۔
اس موقع پر بابر اعظم کا کہنا تھا کہ وہ انٹرنینشل کرکٹ کونسل اور جیوری کے شکر گزار ہیں جنہوں نے 2019ء میں ان کی کارکردگی کو سراہتے ہوئے ون ڈے ٹیم آف دی ایئر میں شامل کیا۔
دائیں ہاتھ کے بلے باز کا کہنا تھا کہ وہ اپنے ساتھی کھلاڑیوں اور مداحوں کے انتہائی مشکور ہیں جنہوں نے بھرپور سپورٹ کیا۔
Congratulations to @babarazam258 on his selection in the @ICC ODI Team of 2019. pic.twitter.com/SlN6fTF3Aj
— Pakistan Cricket (@TheRealPCB) January 15, 2020
25 سالہ کرکٹر کا کہنا تھا کہ اعزازات سے کھلاڑیوں کو میدان میں مزید بہتر کارکردگی دکھانے کا حوصلہ ملتا ہے، پر امید ہوں کہ آئندہ سال آئی سی سی کی جانب سے اعلان کردہ ون ڈے ٹیم آف دی ایئر میں کئی پاکستانی کھلاڑی شامل ہوں گے۔
اس موقع پر بابر اعظم نے آئی سی سی ویمنز ٹی ٹونٹی ٹیم آف دی ایئر 2019ء میں جگہ بنانے پر ندا ڈار کو مبارکباد دیتے ہوئے کہا کہ ندا ڈار باصلاحیت خاتون کرکٹرز ہونے کے ساتھ ساتھ کئی کھلاڑیوں کے لیے رول ماڈل کی حیثیت بھی رکھتی ہیں، پاکستان میں خواتین کرکٹ کو پذیرائی مل رہی ہے۔
Second time for @babarazam258 in ICC ODI Team of the Year
— Pakistan Cricket (@TheRealPCB) January 15, 2020
More: https://t.co/Cn81WX7ivL pic.twitter.com/18gCxxheok
چیف ایگزیکٹو پی سی بی وسیم خان کا کہنا ہے کہ بابر اعظم اور ندا ڈار دونوں کو مبارکبادپیش کرتے ہیں، دونوں کرکٹرز نہ صرف قومی کرکٹ کا اثاثہ ہیں بلکہ وہ آئندہ نسلوں کے لیے رول ماڈل کی حیثیت بھی رکھتے ہیں۔
وسیم خان کا کہنا ہے کہ قومی انڈر 19 کرکٹ ٹیم اس وقت آئی سی سی انڈر 19 کرکٹ 2020ء کے سلسلے میں جنوبی افریقا میں موجود ہے، انہیں امید ہے کہ بابر اعظم کا یہ اعزاز نوجوان کرکٹرز کے لیے حوصلہ افزائی کا سبب بنے گا۔
