لاہور: (ویب ڈیسک) پاکستانی کرکٹ ٹیم سابق کپتان اور سابق لیجنڈز باؤلر وسیم اکرم کا کہنا ہے کہ میرا کوئی سیاسی ایجنڈا نہیں ہے، میں اپنے شہر (کراچی) کی فلاح کے بارے میں سوچتا ہوں۔
وزیر اطلاعات و بلدیات سندھ ناصر شاہ کے بیان پر سابق فاسٹ باؤلر وسیم اکرم نے رد عمل دیتے ہوئے کہا کہ انہوں نے کراچی کے مختلف علاقوں میں پانی کھڑا دیکھ کر ٹوئٹ کیا تھا۔ بارش نے ایک مرتبہ پھر کراچی کو تباہ کیا، میرا کوئی سیاسی ایجنڈا نہیں تھا۔
I tweeted because I am seeing videos of full gutters in Defence, flooded roads of Gulistan-e-jauhar, PECHS & Baldia & a city being destroyed by rain yet again. I have no political agenda whatsoever. I am just a citizen of Pakistan & care for the welfare of people in my hometown.
— Wasim Akram (@wasimakramlive) July 27, 2020
ٹویٹر پر سوئنگ کے سلطان نے مزید لکھا کہ پاکستان کا شہری ہوں اور اپنے شہر کی فلاح کے بارے میں سوچتا ہوں۔ پاکستان کے عوام بھی بارش سے لطف اندوز ہوں نہ کہ غم زدہ ہوں۔ ہر سال کراچی میں بارش سے بہت لوگ متاثر ہوتے ہیں، یہ چیز مجھے مارتی ہے۔
The people of Pakistan should be able to celebrate the rain, not mourn over it! Mix my words however you like but too many people suffer every year because of this problem, and that is what kills me.
— Wasim Akram (@wasimakramlive) July 27, 2020
واضح رہے کہ ایک روز قبل وسیم اکرم نے کراچی میں بارش کا پانی جمع ہونے پر افسوس کا اظہار کیا تھا۔
ان کے اس بیان پر صوبائی وزیر ناصر شاہ نے ردِ عمل دیتے ہوئے کہا تھا کہ میں اپنے پڑوسی وسیم اکرم کو دعوت دیتا ہوں میرے ساتھ شہر کا دورہ کریں، شہر کی سڑکوں کا جائزہ لیں اور دیکھیں کس طرح پانی کا نکاس کیا گیا ہے۔
I invite my neighbor Wasim Akram 2 come wid me now n inspect streets of Khi n c how water has been drained 4m all roads.I’m sure tht if u r sincere then u’ll defntly go n if u’ve tweeted on hearsay then thr is no one more irspnsbl than u bcz u’ve disapntd millions of ppl in Sindh https://t.co/NlDEcqdt3H
— Syed Nasir Hussain Shah (@SyedNasirHShah) July 26, 2020
ناصر شاہ نے اپنے بیان میں کہا تھا کہ وسیم اکرم، اگر آپ مخلص ہیں تو شہر کا دورہ ضرور کریں گے، اگر آپ نے سنی سنائی باتوں پر بیان دیا ہے تو آپ سے زیادہ غیر ذمہ دار کوئی نہیں ہے۔
