لاہور: (دنیا نیوز) کیبل آپریٹرز کے رہنماؤں نے پاکستان کرکٹ بورڈ (پی سی بی) کے چیئر مین احسان مانی اور ڈائریکٹر سکیورٹی اینڈ اینٹی کرپشن کرنل ریٹائرڈ آصف سے ملاقات کی۔
ملاقات میں کیبل آپریٹرز کی جانب سے چیئرمین خالد آرائیں، مرکزی جنرل سیکرٹری چودھری طاہر جاوید اورصوبائی صدر سندھ اخلاق احمد شریک ہوئے۔
کیبل آپریٹرز کاکہنا تھا کہ پاکستان میں کرکٹ کے فروغ اور پی ایس ایل کی کامیابی کیلئے بھرپور تعاون کریں گے۔ پی سی بی اور کیبل آپریٹرز کے درمیان معاہدے سے ڈیجیٹلائزیشن کو فروغ ملے گا۔
یہ بھی پڑھیں: پی سی بی اور پی ٹی وی سپورٹس کے درمیان تین سالہ معاہدے پر دستخط ہو گئے
ان کا کہنا تھا کہ پائریسی کے باعث نہ صرف کیبل آپریٹر کو نقصان بلکہ ملک کا قیمتی زرمبادلہ بھی ضائع ہو رہا تھا، معاہدے سے کیبل انڈسٹری کو بحال کرنے میں بھرپور مدد ملے گی۔
