لاہور: (دنیا نیوز) انٹرنیشنل کرکٹ کونسل (آئی سی سی) نے ون ڈے کی تازہ رینکنگ جاری کر دی، بابراعظم کی تیسری پوزیشن، بولنگ محمد عامر ترقی کر کے ساتویں نمبر پر آ گئے۔
انگلینڈ اور آسٹریلیا کی ون ڈے سیریز کے بعد جاری رینکنگ میں پہلی 5 بیٹنگ پوزیشنز میں کوئی فرق نہیں پڑا، بابر اعظم تیسرے پر برقرار ہیں، کین ولیمسن ترقی کر کے چھٹے پر آ گئے۔
آسٹریلوی کپتان ایرون فنچ ساتویں، اوپنر ڈیوڈ وارنر کی تنزلی ہوئی ہے، جونی بیرسٹو 3 درجے چھلانگ لگاتے ہوئے ٹاپ 10 میں شامل ہوگئے۔
باؤلنگ میں ٹرینٹ بولٹ پہلی پوزیشن پر براجمان ہیں، محمد عامرنے ترقی کر کے ساتویں پوزیشن حاصل کر لی۔
