لاہور: (دنیا نیوز) قومی ٹیم کے چیف سلیکٹر اور ہیڈ کوچ مصباح الحق کا کہنا ہے کہ ڈومیسٹک مقابلوں میں اچھی پرفارمنس دکھانے والے کھلاڑیوں کو زمبابوے کے خلاف سیریز میں موقع دیا جائے گا۔
قذافی سٹیڈیم لاہور میں جاری سیکنڈ الیون کے میچز دیکھنے کے بعد چیف سلیکٹر مصباح الحق نے اطمینان کا اظہار کرتے ہوئے کہا کہ زمبابوے کے خلاف سیریز میں ڈومیسٹک سیزن میں اچھا پرفارم کرنے والے نوجوان کھلاڑیوں کو نمائندگی دی جائے گی۔
انہوں نے کہا کہ ہوم سیریز کے لیے قومی ٹی ٹونٹی اور ایک روزہ ٹیموں کے لیے 22 یا 23 کھلاڑیوں کا اعلان 19 اکتوبر کو کیا جائے گا۔
