لاہور: (ویب ڈیسک) پاکستان کرکٹ بورڈ (پی سی بی) نے ملتان میں کھیلے جانے والے نیشنل ٹی ٹونٹی کپ میچ میں نوجوان بیٹسمین حیدر علی کو امپائر کے فیصلے پر ناراضگی کا اظہار کرنے پر جرمانہ عائد کر دیا گیا۔
تفصیلات کے مطابق قومی ٹی ٹوئنٹی کپ میں کوڈ آف کنڈکٹ کی خلاف ورزی پر حیدر علی پر جرمانہ عائد کیا گیا ، ناردرن کے بیٹسمین حیدر علی پر میچ فیس کا 30 فیصد جرمانہ عائد کردیا گیا،ان کو سنٹرل پنجاب کے خلاف میچ کے دوران امپائر کے فیصلے پر ناراضگی کا اظہار کرنے پر جرمانہ عائد کیا گیا۔
Haider Ali fined for Code of Conduct breach
— PCB Media (@TheRealPCBMedia) October 3, 2020
More: https://t.co/MZCWP8RcPF#HarHaalMainCricket pic.twitter.com/noqIOYJ9ku
واقعہ میچ کی پہلی اننگز کے نویں اوور کے دوران پیش آیا حیدر علی نے عثمان قادر کی گیند پر ایل بی ڈبلیو دئیے جانے کے فیصلے پر امپائر کو بلا دکھایا۔
آن فیلڈ امپائرز آفتاب گیلانی اور فیصل خان، تھرڈ امپائر ولید یعقوب اورفورتھ امپائرناصر حسین نے پی سی بی کوڈ آف کنڈکٹ کی شق 2.8 کی خلاف ورزی کرنے پر چارج کیا۔ حیدرعلی کی جانب سے اعتراف جرم کرنے پر میچ ریفری افتخار احمد نے حیدر علی پر جرمانہ عائد کردیا۔
