لاہور: (دنیا نیوز) زمبابوے کرکٹ ٹیم کا دورہ پاکستان کے لیے مہمان بورڈ کا پانچ رکنی وفد انتظامات کا جائزہ لینے دس اکتوبر کو پاکستان آئے گا۔
ذرائع کے مطابق زمبابوین سیکورٹی وفد میں زیادہ افراد کا تعلق میڈیکل کے شعبے سے ہو گا، وفد، راولپنڈی اور پھر ملتان میں بائیو سیکور ببل سمیت انتظامات کا جائزہ لے گا، مہمان کرکٹ بورڈ کو بائیو سیکور پروٹوکولز پہلے ہی بھجوا دئیے گئے تھے جن پر اطمینان کا اظہار کیا گیا، اسی کی بنیاد پر سیریز پہلے ہی یقینی قرار دی جا چکی ہے۔
