لاہور: (ویب ڈیسک) پاکستانی کرکٹ ٹیم کے نوجوان اور ابھرتے ہوئے بلے باز حیدر علی بین الاقوامی لیگز کے ریڈار پر آ گئے، آسٹریلیا کی معروف ترین ڈومیسٹک لیگ بگ بیش اور انگلش کاؤنٹی ٹیمیں نوجوان بیٹسمین کو سائن کرنے کی کوششوں میں مصروف ہیں۔
تفصیلات کے مطابق 2 بگ بیش ٹیموں نے جارح مزاج بیٹسمین حیدر علی کو سائن کرنے کے لیے رابطہ کیا ہے لیکن دورہ نیوزی لینڈ کی وجہ سے حیدر علی نے اس سال بگ بیش سے معذرت کی ہے۔
ذرائع کا کہنا ہے کہ ایک انگلش کاؤنٹی ٹیم بھی حیدر علی کی مینجمنٹ سے رابطے میں ہے اور امکان ہے کہ نوجوان کرکٹر اگلے سیزن میں کاؤنٹی کھیل سکتے ہیں۔
یاد رہے کہ حیدر علی نے انگلینڈ کے خلاف تیسرے ٹی ٹوئنٹی میں انٹرنیشنل ڈیبیو کیا اور اپنے پہلے ہی انٹرنیشنل ٹی ٹوئنٹی میں نصف سنچری داغ کر دنیائے کرکٹ کی توجہ اپنی جانب مبزول کروا لی تھی۔
اُس وقت سابق انگلش کپتان مائیکل وان اور سابق آسٹریلیوی فاسٹ بولر ٹام موڈی بھی حیدر علی کے کھیل سے کافی متاثر ہوئے۔ مائیکل وان نے لکھا تھا کہ لگتا ہے پاکستان کو اچھا کھلاڑی مل گیا ہے۔
Haider Ali .... Looks like Pakistan have a serious player ..... #ENGvPAK
— Michael Vaughan (@MichaelVaughan) September 1, 2020
ذرائع کے مطابق فہیم اشرف سے بھی بگ بیش ٹیمیں رابطے میں ہے لیکن ان کی شرکت بھی قومی ٹیم میں شمولیت سے مشروط ہے۔
