لاہور: (دنیا نیوز) قذافی سٹیڈیم میں ہونے والے پریکٹس میچ میں پاکستان گرین نے پاکستان وائٹ کو 20 رنز سے ہرادیا۔
پاکستان گرین نے مقررہ پچاس اوورز میں 5 وکٹوں کے نقصان پر 299 رنز بنائے، عابد علی 81 رنز بنا کر ٹاپ سکور رہے، محمد رضوان 76 رنز بنا کر ناٹ آؤٹ رہے، وہاب ریاض نے 2 وکٹیں حاصل کیں۔
300 رنز کے تعاقب میں پاکستان وائٹ کی ٹیم 49.1 اوورز میں 279 رنز بنا کر آؤٹ ہوگئی۔ محمد حفیظ نے 69 اور حیدر علی نے 61 رنز بنائے۔ شاہین شاہ آفریدی نے 2 اور محمد حسنین نے ایک وکٹ حاصل کی۔ تربیتی کیمپ میں ہفتے کو آرام کا دن ہے۔
