لاہور: (دنیا نیوز) قومی کرکٹ ٹیم تین ون ڈے اورتین ٹی ٹونٹی انٹرنیشنل میچز کی سیریز کھیلنے کیلئے اپریل 2021 میں جنوبی افریقہ کا دورہ کریگی، پاکستان کرکٹ بورڈ نے تصدیق کر دی۔
پاکستان کرکٹ بورڈ کے مطابق تینوں ایک روزہ انٹرنیشنل میچز آئی سی سی مینز کرکٹ ورلڈ سپر لیگ کا حصہ ہوں گے، جنوبی افریقہ کا ٹور رواں سال ستمبر اکتوبر میں شیڈول تھا، جسے کورونا وائرس کے سبب ملتوی کردیا گیا تھا۔
پاکستان نےفیوچر ٹور پروگرام میں شامل دورہ زمبابوے پر بھی آمادگی بھی ظاہر کر دی۔ 2 ٹیسٹ اور3 ٹی ٹونٹی انٹرنیشنل میچوں پر مشتمل دورے کی حتمی تاریخوں کا اعلان بعد میں کیا جائیگا۔
