لاہور: (ویب ڈیسک) انٹرنیشنل کرکٹ کونسل ( آئی سی سی) کی طرف سے ون ڈے کرکٹ کی رینکنگ جاری کردی گئی ہے جس میں قومی ٹیم کے کپتان بابر اعظم تیسرے نمبر پر موجود ہیں۔
انٹرنیشنل کرکٹ کونسل (آئی سی سی) کی سماجی رابطے کی ویب سائٹ ٹویٹر پر جاری کردہ کے مطابق ون ڈے کی نئی رینکنگ میں بھارتی ٹیم کے کپتان ویرات کوہلی بلے بازوں کی فہرست میں پہلے نمبر پر براجمان ہیں جبکہ روہت شرما کا دوسرا نمبر ہے۔
One, two fifties
— ICC (@ICC) December 10, 2020
249 runs at 83
Australia captain Aaron Finch, who was the top run-scorer in the #AUSvIND ODIs, has moved into the top five in the @MRFWorldwide ICC Men s ODI Batting Rankingspic.twitter.com/U2ZSH5fDCW
آئی سی سی رینکنگ کے مطابق قومی ٹیم کے کپتان بابر اعظم تیسرے جبکہ نیوزی لینڈ کے روس ٹیلر چوتھے نمبر پر ہیں۔ دیگر کھلاڑیوں میں ایرون فنچ، فاف ڈوپلیسی، ڈیوڈ وارنر، کین ولیمسن، ڈی کاک اور جونی بیرسٹو بھی پہلے دس نمبرز پر موجود ہیں۔
باؤلرز کی رینکنگ میں نیوزی لینڈ کے ٹرینٹ بولٹ پہلے جبکہ افغانستان کے مجیب الرحمان دوسرے اور بھارت کے جسپریت بمرا کا تیسرا نمبر ہے۔ کرس ووکس چوتھے، ربادا پانچویں، جوش ہیزل ووڈ چھٹے نمبر پر ہیں۔
Josh Hazlewood, who picked up six wickets at 30 during the #AUSvIND ODI series, has moved to No.6 in the @MRFWorldwide ICC Men s ODI Bowling Rankings
— ICC (@ICC) December 10, 2020
FULL RANKINGS https://t.co/lRP67a820b pic.twitter.com/5wZrViPhcU
آئی سی سی ون ڈے رینکنگ میں پاکستان کے فاسٹ بولر محمد عامر ایک درجہ ترقی پانے کے بعد ساتویں نمبر پر آ گئے ہیں۔ پیٹ کمنز آٹھویں، میٹ ہینری نویں اور جوفرا آرچر دسویں نمبر پر ہیں۔
آل راؤنڈرز کی فہرست میں بنگلا دیش کے شکیب الحسن پہلے، افغانستان کے محمد نبی دوسرے نمبر پر ہیں جب کہ پاکستان کے عماد وسیم پانچویں نمبر پر ہیں۔
