لاہور: (ویب ڈیسک) زمبابوے کے خلاف دوسرے ٹی ٹونٹی میچ ہارنے کے بعد قومی ٹیم کے سینئر آل راؤنڈر شعیب ملک ٹیم انتظامیہ پر برس پڑے۔
قومی کرکٹ ٹیم کے سابق کپتان اور سینئر آل راؤنڈر شعیب ملک نے زمبابوے کے خلاف سیریز کے دوسرے ٹی ٹونٹی میچ ہارنے کے بعد سماجی رابطے کی ویب سائٹ ٹویٹر پر لکھا کہ ناتجربہ کار فیصلہ سازوں کو ایک قدم پیچھے ہٹنے کی ضرورت ہے۔
اپنے ٹویٹ میں انہوں نے مزید لکھا کہ قومی ٹیم کے کپتان بابر اعظم اور چیف سلیکٹر محمد وسیم کو اہم فیصلے کرنے کی ضرورت ہے۔ میری ذاتی رائے میں ہمیں ایک بین الاقوامی وائٹ بال کوچ درکار ہے جس کو کرکٹ کی سمجھ ہو اور کپتان کی حوصلہ افزائی کر سکے اور مستقبل کے لیے کھلاڑیوں کو تیار کر سکے۔
- Unacquainted decision makers need to take a step back; Babar & chief selector need to call the shots. In my opinion we need an international white ball coach who understands cricket inside out & grooms our captain whilst giving clarity to our players for coming time...
— Shoaib Malik (@realshoaibmalik) April 23, 2021
اپنے ٹویٹ میں شعیب ملک نے لکھا کہ جب ہماری کرکٹ مینجمنٹ پسند اور نا پسند پر انحصار کرے گی خاص کر اس وقت جب ملکی کرکٹ مشکلات کا شکار ہو تو پھر بحیثیت قوم ہم اپنی ٹیم سے کیا توقع رکھ سکتے ہیں۔
سینئر آل راؤنڈر نے لکھا کہ جب آپ کرکٹ ٹیم کے کپتان کو فیصلے نہیں کرنے دو گے تو پھر ایسا ہی ہار ہو گا۔
قومی ٹیم کے سینئر آل راؤنڈ کا یہ اشارہ پاکستان کرکٹ ٹیم کی طرف ہے جو زمبابوے کے خلاف دوسرے ٹی ٹونٹی میچ میں محض 119 رنز کا ہدف حاصل نہ کر سکی اور صرف 99 رنز پر ڈھیر ہو گئی۔
