تازہ ترین
  • بریکنگ :- برطانیہ کاپاکستان کوریڈلسٹ سے نکالنے کا فیصلہ،وزیراعلیٰ پنجاب کاخیرمقدم
  • بریکنگ :- برطانیہ کاپاکستان پرسفری پابندیوں کا خاتمہ خوش آئند ہے،عثمان بزدار
  • بریکنگ :- فیصلے سے بیرون ملک پاکستانیوں کو بے پناہ ریلیف ملے گا،عثمان بزدار
  • بریکنگ :- برطانیہ پاکستان کا اہم دوست ملک اورتجارتی پارٹنر ہے،عثمان بزدار
  • بریکنگ :- برطانیہ کے فیصلے کو سراہتے ہیں،وزیراعلیٰ پنجاب عثمان بزدار

مشکل ترین حالات میں دعائیں بھارتی عوام کے ساتھ ہیں: بابر اعظم

Published On 26 April,2021 09:52 pm

لاہور: (ویب ڈیسک) پاکستانی کرکٹ ٹیم کے کپتان بابر اعظم نے کہا ہے کہ مشکل ترین حالات میں ہماری دعائیں بھارتی عوام کے ساتھ ہیں۔

بھارت بھر میں کورونا وائرس کے کیسز کی تعداد میں تیزی کے باعث حالات تیزی سے خراب ہو رہے ہیں، وہاں آکسیجن ختم ہورہی ہے جبکہ صحت کا نظام بالکل بیٹھ گیا ہے، برطانیہ نے 600 سے زائد وینٹی لیٹرز، آکسیجن کنسنٹریٹرز اور دیگر طبی آلات روانہ کیئے ہیں جب کہ سعودی عرب، متحدہ عرب امارات اور سنگاپور نے آکسیجن سلنڈرز فراہم کرنے کا اعلان کیا ہے۔

واضح رہے کہ بھارت میں کورونا کی نئی لہر میں یومیہ 3 لاکھ 60 ہزار سے زائد افراد وائرس کا شکار ہو رہے ہیں جبکہ 3 ہزار کے لگ بھگ ہلاکتیں ہوئی ہیں۔ ہسپتالوں کے باہر مریضوں اور شمشان گھاٹ میں آخری رسومات کے لیے لواحقین کی قطاریں لگ گئی ہیں۔

یہ بھی پڑھیں: ملک میں بڑھتے ہوئے کورونا کیسز کے بعد شعیب اختر کا کرفیو لگانے کا مطالبہ

بھارت میں کورونا کی اس ہلاکت خیز لہر کو کورونا سونامی سے تعبیر کیا جا رہا ہے اور اسیے وقت میں مودی کی منظر عام سے غائب ہونے اور ناقص کارکردگی پر کڑی تنقید کی جارہی ہے جس کے بعد وزیراعظم مودی ریڈیو پیغام ریکارڈ کرانے پر مجبور ہوئے ہیں۔

سماجی رابطے کی ویب سائٹ ٹویٹر پر پاکستانی کرکٹ ٹیم کے کپتان بابر اعظم نے لکھا کہ مشکل ترین حالات میں ہماری دعائیں ہمسایہ ملک بھارت کی عوام کے ساتھ ہیں یہ وقت یکجہتی اور مل کر دعا کرنے کا ہے۔

بابر اعظم نے مزید لکھا کہ میں لوگوں سے درخواست کرتا ہوں کہ ایس او پیز پر سختی سے عمل کریں، کیونکہ ہماری حفاظت کا راستہ ہے۔ ملکر سب کچھ کر سکتے ہیں۔

آخر میں انہوں نے ’سٹے سٹرونگ‘ کا ہیش ٹیگ استعمال کیا۔