لاہور: (ویب ڈیسک) قومی ٹیم کے کپتان بابر اعظم نے کہا ہے کہ کارکردگی میں تسلسل کوبرقراررکھتے ہوئے انگلینڈ کیخلاف سیریزجیتنے کی ہرممکن کوشش کریں گے۔
تفصیلات کے مطابق انگلینڈ کیخلاف ٹی 20 میں کامیابی کے بعد قومی ٹیم کے کپتان بابراعظم نے انگلینڈ وکٹ کیپر بیٹسمین رضوان کے ساتھ عمدہ پارٹنرشپ اور کامیابی کا نسخہ بتادیا۔
پی سی بی کی طرف سے جاری کردہ ویڈیو میں قومی ٹیم کے کپتان بابر اعظم نے سیریز جیتنے کا عزم ظاہر کرتے ہوئے کہا کہ ہم نے فیصلہ کیا تھا کہ ابتدائی چند گیندیں احتیاط سے کھیلیں گے، اننگزکے آغازمیں محمد رضوان کے لیے مشکل ہوئی توخود چارج لیا تاکہ پریشر نہ آئے۔
انہوں نے کہا کہ شروع میں ہر اوورمیں دس یا آٹھ رنزبنانے کی حکمت عملی پرکاربند تھے، ڈیوڈ ویلے کوپچ سے مدد مل رہی تھی۔ کارکردگی میں تسلسل کوبرقراررکھتے ہوئے انشاءاللہ سیریزجیتنے کی ہرممکن کوشش کریں گے۔
.@babarazam258 and @iMRizwanPak talk about their 150-run partnership in 1st #ENGvPAK T20I#HarHaalMainCricket | #BackTheBoysInGreen pic.twitter.com/hKrVcrAQaL
— Pakistan Cricket (@TheRealPCB) July 17, 2021
نائب کپتان محمد رضوان نے بتایا کہ ہم دونوں کی کامیابی میں سب سے اہم بات ہماری کریزپرمشاورت ہوتی ہے، دوسرے اینڈ پرکھڑے ہوکرآپس میں مشاورت کرتے رہتے ہیں، میری رننگ بہتربنانے میں بابراعظم کا کرداراہم ہے۔
ان کا کہنا تھا کہ میں تو کیرئیر کے آغاز میں بہت مرتبہ رن آؤٹ ہوا مگرکپتان کے ساتھ کریزپررننگ شانداررہتی ہے۔ پارکنسن جب بولنگ کے لیے آئے تو کپتان نے سیدھے بیٹ سے کھیلنے کا مشورہ دیا۔ مومنٹم بن گیا ہے، اب سیریز بھی جیت سکتے ہیں۔
