لاہور: (ویب ڈیسک) قومی کرکٹ ٹیم کے سابق کپتان شاہد آفریدی نے ٹیسٹ کرکٹر فواد عالم کو دوسروں کیلئے بہترین مثال قرار دے دیا۔
جمیکا ٹیسٹ کی پہلی اننگز میں ناقابلِ شکست 124 رنز سکور کرنے والے فواد عالم کیلئے شاہد آفریدی نے آئی سی سی کے ٹویٹ کو ری ٹویٹ کرتے ہوئے انہیں ٹیگ کرنے کے ساتھ ساتھ 5ویں ٹیسٹ سنچری کی مبارکباد دی۔
Congratulations @iamfawadalam25 !An incredible journey of patience and resilence, Fawad always let his bat do the talk and has now become Pakistan s Test batting mainstay, great example for others! https://t.co/51dxrKCmUn
— Shahid Afridi (@SAfridiOfficial) August 23, 2021
ٹوٹر پر شاہد آفریدی نے لکھا کہ صبر اور تحمل مزاجی کا سفر فواد عالم نے خوب طے کیا، فواد نے ہمیشہ اپنے بلّے سے ناقدین کے منہ بند کروائے۔ اب اس طویل سفر کے بعد فواد عالم آخر کار پاکستان کرکٹ ٹیم کے لیے ریڑھ کی ہڈی کی مانند ہے، فواد دوسرے لوگوں کیلئے بہترین مثال ہیں۔
