خلاصہ
- لاہور:(دنیا نیوز)سا بق فاسٹ باؤلر سرفراز نواز ہڈیوں کی تکلیف میں مبتلا ہوگئے جن کی واکر کے سہارے چلنے کی ویڈیو وائرل ہونے سے کرکٹ حلقوں میں تشویش کی لہر دوڑ گئی۔
دنیا نیوز سے گفتگو کرتے ہوئے دائیں ہاتھ کے سابق فاسٹ باؤلر سرفراز نواز نے کہا ہے کہ کورونا کے باعث ایک سال تک باہر نہ نکلنے پر چلنے میں مشکل ہوئی جبکہ ڈاکٹرز کے مشورے پر ایکسرسائز کررہا ہوں۔
Sarfarz Nawaz ,240 International 1005 FC wickets age 72 , took 7 W for 1 run the most cunning fast bowler ever produce by Pakistan, this is the price sportsman pay for the glory of their country @sarfarnawaz @TheRealPCBMedia @TheRealPCB #sikanderbakht #HarHaalMainCricket pic.twitter.com/6dl8ok8q7F
— Sikander Bakht (@Sikanderbakhts) October 12, 2021
ریورس سوئنگ کے موجد سرفراز نواز طویل عرصہ سے لندن میں مقیم ہیں،واکر سے چلتے ہوئے ان کی ویڈیو توجہ کا مرکز بن گئی جس سے کرکٹ ماہرین و شائقین کو تشویش ہوئی ہے۔
انہوں نے بتایا کہ وہ شوگر کے مرض کا شکار ہیں،کورونا کے باعث سال بھر گھر بیٹھے رہنے سے چلنے میں مشکل پیش آئی جبکہ ڈاکٹرز نے انہیں ایکسرسائز کرنے اور واکر کے ساتھ چلنے کا مشورہ دیا ہے۔
