کراچی: (روزنامہ دنیا) پاکستان کپ کے دوسرے راؤنڈ میں خیبر پختونخوا ، سندھ اور سنٹرل پنجاب نے اپنے اپنے میچز جیت لیے۔
ملتان کرکٹ سٹیڈیم میں کھیلے گئے میچ میں خیبرپختونخوا نے سدرن پنجاب کو 6 وکٹوں سے ہرا دیا۔ فاتح ٹیم نے 184 رنز کا ہدف 35.5 اوورز میں حاصل کرلیا۔ عادل امین اور صاحبزادہ فرحان نے نصف سنچریاں سکور کیں۔
اقبال سٹیڈیم فیصل آباد میں کھیلے گئے میچ میں سندھ نے بلوچستان کو 6 وکٹوں سے شکست دے دی۔ عبدالواحد بنگلزئی کی شاندار سنچری رائیگاں گئی۔ سندھ نے 210 رنز کا ہدف 41.3 اوورز میں حاصل کرلیا۔
ہاؤس آف ناردرن گراؤنڈ اسلام آباد میں کھیلے گئے میچ میں سنٹرل پنجاب نے ناردرن کو 30 رنز سے ہرا دیا۔ 194 رنز کے تعاقب میں ناردرن کی پوری ٹیم 163 رنز پر ڈھیر ہوگئی۔ عمر امین 34 رنز بناکر نمایاں رہے۔
وہاب ریاض نے 23 رنز کے عوض چار کھلاڑیوں کو آؤٹ کیا۔ شہر میں ہونے والی بارش کے باعث میچ کو 25، 25 اوورز تک محدود دکیا گیا تھا۔
