لاہور: (روزنامہ دنیا) ویسٹ انڈیز کیخلاف سیریز کے لیے قومی کرکٹ ٹیم کا تربیتی کیمپ یکم جون سے لاہور میں شروع ہوگا جس کے لیے 16 رکنی سکواڈ میں شامل تمام کھلاڑیوں کو قذافی سٹیڈیم میں رپورٹ کرنے کی ہدایت کر دی گئی۔
ویسٹ انڈیز کیخلاف سیریز کے لیے قومی کرکٹ ٹیم کے انگلینڈ میں کاؤنٹی کرکٹ کھیلنے میں مصروف تمام کھلاڑی بھی یکم جون سے لاہور قذافی سٹیڈیم میں تربیتی کیمپ کو جوائن کر لیں گے۔
ورلڈ کپ سپر لیگ کے سلسلہ میں تین ون ڈے انٹرنیشنل پر مشتمل سیریز کے میچز 8، 10 اور12 جون کو شیڈول ہیں جس کے لیے پی سی بی کو حکومت کی جانب سے سیریز کے لیے پی سی بی کو حکومت کی جانب سے سیریز کے ملتان میں انعقاد کے لیے تحریری منظوری کا انتظار ہے۔
واضح رہے کہ زبانی گرین سگنل کے بعد ملتان میں مختلف سطح کے انتظامات کا آغاز کیا جا چکا ہے۔
