مظفر آباد:(ویب ڈیسک) زلمی مدرسہ کرکٹ لیگ کا چوتھا ایڈیشن آزاد کشمیر کے دارالحکومت مظفر آباد میں شروع ہوگیا، رویت ہلال کمیٹی پاکستان کے چیئرمین مولانا سید عبدالخبیر آزاد نے ایونٹ کا افتتاح کیا۔
مہمان خصوصی مولانا سید عبدالخبیر آزاد نے کہا کہ زلمی مدرسہ لیگ پشاور زلمی کا احسن اقدام ہے، ایونٹ کے انعقاد پر پشاور زلمی کو مبارکباد دیتا ہوں، مدارس کے طلبا کے لیے پشاور زلمی کا یہ اقدام قابل ستائش ہے ۔
پشاور زلمی کے چیئرمین جاوید آفریدی نے کہا کہ زلمی مدرسہ لیگ کے چوتھے ایڈیشن کے انعقاد پر خوشی ہے، مدارس کے طلبا کو اس ایونٹ سے صلاحیتوں کے اظہار اور صحت مندانہ سرگرمیوں کا بہترین موقع ملا ہے، ملک کے دیگر شہروں میں بھی زلمی مدرسہ لیگ کا انعقاد کریں گے۔
Opening Ceremony of Zalmi Madrasa League, Kashmir.
— Zalmi Foundation (@FoundationZalmi) June 6, 2022
Guests of Honor, Chairman Ruit-e-Hilal Committee Syed Khabir Azad, Chairman Sufi Peace Forum Pir Ali Bukhari & other esteemed guests graced the occasion with their presence. #BringingBackSmiles #ZalmiMadrasaLeague pic.twitter.com/bYTA6dSE0R
خیال رہے کہ لیگ کے ابتدائی دو میچز میں این سی ماوریک نے یوسی سٹرائیکر کو 25 رنز اور کوٹلی یونائیٹڈ نے مظفر آباد تھنڈر کو 59 رنز سے ہرا دیا۔
اس سے قبل پشاور، میران شاہ اور کوئٹہ میں بھی زلمی مدرسہ لیگ کے تین ایڈیشن منعقد کیے جا چکے ہیں، ٹورنامنٹ میں 8 ٹیمیں شریک ہیں۔
