لاہور: (دنیا نیوز) تین ملکی ٹی 20 سیریز میں پاکستان اپنا تیسرا میچ منگل کو نیوزی لینڈ کے خلاف کھیلے گا، بخار اور فٹنس مسائل کا شکار نسیم شاہ مکمل فِٹ ہو گئے۔
قومی کھلاڑیوں نے ایک روزہ آرام کے بعد ٹریننگ کی، لنکن یونیورسٹی کے انڈور ہال میں نیٹ سیشن میں حصہ لیا، چار گھنٹے تک بیٹنگ، باؤلنگ اور فیلڈنگ کی بھرپور مشقیں کیں۔
— Pakistan Cricket (@TheRealPCB) October 10, 2022
پاکستان کرکٹ کے لیے اچھی خبر یہ ہے کہ فٹنس مسائل سے دوچار فاسٹ باؤلر نسیم شاہ مکمل فِٹ ہو کر اِن ایکشن ہو گئے۔
اس موقع پر انہوں نے کہا کہ باؤنسی پچز پر اچھی لائن لینتھ اور پلاننگ سے حریف ٹیم کی بیٹنگ لائن کو آؤٹ کیا جا سکتا ہے۔
— Pakistan Cricket (@TheRealPCB) October 10, 2022
خیال رہے کہ تین ملکی سیریز میں ناقابل شکست قومی شاہین چار پوائنٹس کے ساتھ سرفہرست ہیں، کیویز کی بنگلا دیش کے خلاف واحد فتح سے دوسری پوزیشن پر قبضہ ہے۔
