لاہور: ( ویب ڈیسک ) ٹی 20 ورلڈ کپ میں آسٹریلیا نے آئرلینڈ کو 42 رنز سے شکست دے دی۔
آسٹریلیا کے شہر برسبین میں گروپ 1 اور میگا ایونٹ کا 31واں میچ کھیلا آئرلینڈ اور آسٹریلیا کے مابین کھیلا گیا۔
— T20 World Cup (@T20WorldCup) October 31, 2022
آسٹریلیا اننگز
میزبان ٹیم نے پہلے کھیلتے ہوئے مقررہ 20 اوورز میں 5 وکٹ کے نقصان پر 179 رنز بنائے، کپتان ایرون فنچ نے 3 چھکوں اور 5 چوکوں کی مدد سے 44 گیندوں پر 63 رنز کی اننگز کھیلی، آل راؤنڈر مارکس سٹوئنس نے ایک مرتبہ پھر شاندار کارکردگی کا مظاہرہ کرتے ہوئے 25 گیندوں پر 1 چھکے اور 3 چوکوں کی مدد سے 35 رنز بنائے، مچل مارش 28 سکور بناکر نمایاں بیٹر رہے۔
آئرش ٹیم کی جانب سے بیری مک کارتھی نے سب سے زیادہ 3 جبکہ جوش لٹل نے 2 وکٹ اپنے نام کیں۔
آئرلینڈ اننگز
180 رنز ہدف کے تعاقب میں آئرش ٹیم 18 اعشاریہ 1 اوورز میں 137 رنز پر ڈھیر ہوگئی، لورکان ٹکر کی 1 چھکے اور 9 چوکوں کی مدد سے 48 گیندوں پر 71 رنز کی ناقابل شکست اننگز بھی رائیگاں گئی۔
فاتح ٹیم کے پیٹ کمنز، مچل سٹارک، گلین میکسویل اور ایڈم زمپا نے 2،2 جبکہ مارکس سٹوئنس نے 1 وکٹ حاصل کی۔
مین آف دی میچ
— T20 World Cup (@T20WorldCup) October 31, 2022
44 گیندوں پر 63 رنز کی اننگز کھیلنے پر کینگرو کپتان ایرون فنچ کو میچ کا بہترین کھلاڑی قرار دیا گیا۔
