لاہور : ( ویب ڈیسک ) سینٹرل پنجاب پاکستان کپ ون ڈے ٹورنامنٹ کے سیمی فائنل میں رسائی حاصل کرنے والی پہلی ٹیم بن گئی۔
نیشنل بینک آف پاکستان سپورٹس کمپلیکس میں کھیلے گئے میچ میں سنٹرل پنجاب نے خیبرپختونخوا کو 113 رنز سے شکست دے کر ایونٹ کے سیمی فائنل کے کوالیفائی کیا۔
Central Punjab reach Pakistan Cup semis after Usama s all-round show
— PCB Media (@TheRealPCBMedia) December 27, 2022
Read more: https://t.co/L3ihDgNDxi#PakistanCup
ایونٹ کے نویں مرحلے کے آخری میچ میں سینٹرل پنجاب کی جانب سے خیبرپختونخوا کو 316 رنز کا ہدف دیا گیا جس کے تعاقب میں کے پی کے کی ٹیم 202 رنز تک محدود رہی۔
فاتح ٹیم کی جانب سے احمد شہزاد 71اور کپتان قاسم اکرم 58رنز بنا کر ٹاپ اسکورر رہے جبکہ اسامہ میر کو 5 وکٹیں حاصل کرنے پر پلیئر آف دی میچ کا ایوارڈ دیا گیا۔
