لاہور: (ویب ڈیسک) پاکستان سپر لیگ (پی ایس ایل) کی ٹیم اسلام آباد یونائیٹڈ کے کپتان شاداب خان نے نیوزی لینڈ کے کرکٹر کولن منرو کو سوتے ہوئے چھیڑ دیا۔
اس حوالے سے شاداب خان نے سوشل میڈیا اکاؤنٹ پر ایک مختصر ویڈیو شیئر کی ہے۔
ویڈیو میں دیکھا جا سکتا ہے کہ بس میں کولن منرو اپنی نشست پر سو رہے تھے کہ اسی دوران آل راؤنڈر کرکٹر شاداب خان ان کے کھلے ہوئے ہونٹوں کے درمیان انگلی ڈالنے کی کوشش کرتے ہیں جس سے کولن منرو کی آنکھ کھل جاتی ہے۔
Wake up @manuz05 pic.twitter.com/ENggC1l6UM
— Shadab Khan (@76Shadabkhan) February 18, 2023
شاداب خا ن نے اس ویڈیو کے ساتھ کولن منرو کو ٹیگ بھی کیا ہے، ٹوئٹر پر شیئر کی گئی ویڈیو میں ساتھی بیٹر کو ٹیگ کرتے ہوئے لکھا اٹھ جاؤ کولن منرو۔
اسلام آباد یونائیٹڈ کے کپتان کے اکاؤنٹ پر اس ویڈیو کو اب تک 3 لاکھ سے زائد بار دیکھا جا چکا ہے اور صارفین اس پر دلچسپ تبصرے بھی کر رہے ہیں۔
