پشاور: (ویب ڈیسک) پاکستان سپر لیگ (پی ایس ایل) کے آٹھویں ایڈیشن میں جوا کمپنیوں کے خلاف درخواست پر فریقین کو نوٹسز جاری کردیئے گئے۔
پشاور ہائیکورٹ میں پی ایس ایل کے آٹھویں سیزن میں شریک جوا کمپنیوں کی تشہیر کے خلاف درخواست پر جسٹس محمد ابراہیم خان اور جسٹس وقار احمد پر مشتمل 2 رکنی بنچ نے سماعت کی اور دیگر فریقین کو نوٹسز جاری کیے۔
درخواست گزار کے وکیل سیف اللہ کاکا خیل نے درخواست میں کہا کہ ملک میں جوا کھیلنے پر پابندی ہے لیکن اس کے باوجود پی ایس ایل کو جوا کمپنیوں نے سپانسر کیا، بیٹنگ کمپنیز کی موبائل ایپس اور ویب سائٹس چل رہی ہیں۔
جوا کمپنیوں کی تشہیر غیرقانونی ہے، فرنچائز پر کمپنیوں کے سپانسر پر پابندی عائد کی جائے، جس پر عدالت نے فریقین کو نوٹس جاری کرتے ہوئے آئندہ سماعت پر جواب طلب کر لیا۔
