لاہور: (دنیا نیوز) پاکستان کرکٹ ٹیم کے کپتان بابر اعظم اور پی سی بی کرکٹ کمیٹی کے سربراہ اور سابق کپتان مصباح الحق نے انگلینڈ کے فاسٹ باؤلر سٹورٹ براڈ کو ریٹائرمنٹ پر شاندار کیریئر پر مبارکباد دی۔
بابر اعظم نے سماجی رابطے کی ویب سائٹ ٹوئٹر پر ’’ہیپی ریٹائرمنٹ براڈ‘‘ کا پیغام دیا۔
— Babar Azam (@babarazam258) July 31, 2023
بابر اعظم کا اپنے پیغام میں کہنا تھا کہ سٹورٹ براڈ آپ نے پرجوش انداز سے کھیل کو اعزاز بخشا، آپ نے ہمیشہ کھیل میں بھرپور صلاحیت کے ساتھ سخت محنت کی۔
انہوں نے کہا کہ کیریئر میں 600 سے زائد وکٹیں حاصل کرنا ایک بڑا کارنامہ ہے، کرکٹ آپ کی خدمات کو ہمیشہ یاد رکھے گی۔
دوسری جانب پی سی بی کرکٹ کمیٹی کے سربراہ اور سابق کپتان مصباح الحق نے بھی اپنے ٹوئٹر پیغام میں انگلینڈ کے فاسٹ باؤلر سٹورٹ براڈ کو شاندار کیریئر پر مبارکباد دی۔
— Misbah Ul Haq (@captainmisbahpk) July 31, 2023
مصباح الحق کا ایشز سیریز سے متعلق کہنا تھا کہ آخری وکٹ کے ساتھ کامیابی حاصل کرنا ناقابل فراموش ہے، شاندار ایشز سیریز کے لیے انگلینڈ اور آسٹریلیا قابل ستائش ہیں۔
