ملتان: (ویب ڈیسک) ویسٹ انڈیز کے وکٹ کیپر بلے باز ٹیون املاچ نے کہا ہے کہ ہم اچھی پوزیشن میں ہیں، پاکستان کے خلاف دوسرا ٹیسٹ میچ جیتنے کی بھرپور کوشش کریں گے۔
ٹیون املاچ نے ملتان سٹیڈیم میں پریس کانفرنس کرتے ہوئے کہا کہ بہت چیلنجگ پچ ہے، ہم پر اعتماد تھے اپنے ڈیفنس پر بڑی شاٹس بھی کھیلیں، ہم نے تین اننگز یہاں کھیلیں اور سیکھا، سیکھنے سے ہی چیلنج کا سامنا کیا جاسکتا ہے۔
ان کا مزید کہنا تھا کہ ہماری کوشش ہوگی کہ پاکستان کو جلدی آؤٹ کرلیں، پچ پر گھاس نہیں ہے اور ہماری کنڈیشن کے مقابلے یہاں بال زیادہ سپن ہوتی ہے، ہم بہت اچھی پوزیشن میں ہیں، ہم میچ جیتنے اور سیریز برابر کرنے کی بھرپور کوشش کریں گے۔
