لاہور: (دنیا نیوز) انگلینڈ کرکٹ ٹیم آئی سی سی چیمپئنز ٹرافی میں شرکت کیلئے پاکستان پہنچ گئی۔
انگلینڈ کی کرکٹ ٹیم کپتان جوز بٹلر کی قیادت میں لاہور پہنچی، انگلینڈ کرکٹ ٹیم کا کھلاڑیوں اور سٹاف سمیت 31 رکنی دستہ براستہ دبئی لاہور پہنچا، انگلش ٹیم آئی سی سی چیمپئنز ٹرافی میں اپنے گروپ میچ لاہور اور کراچی میں کھیلے گی۔
واضح رہے کہ انگلینڈ اپنا افتتاحی میچ 22 فروری کو آسٹریلیا کے خلاف قذافی سٹیڈیم لاہور میں کھیلے گا، انگلینڈ کا دوسرا میچ افغانستان کے خلاف 26 فروری کو لاہور میں شیڈول ہے۔
