ملتان: (دنیا نیوز) پاکستان سپر لیگ (پی ایس ایل) سیزن 10 کے 25 ویں میچ میں پشاور زلمی نے ملتان سلطانز کو 7 وکٹوں سے شکست دیدی۔
ملتان سلطانز کی جانب سے دیا گیا 109 رنز کا ہدف پشاور زلمی نے 3 وکٹوں کے نقصان پر 13 اوورز میں حاصل کر لیا۔
پشاور زلمی کی جانب سے صائم ایوب 49 رنز بنا کر نمایاں رہے، میکس برائنٹ نے برائنٹ نے 38 جبکہ محمد حارث نے 7 رنز کی ناٹ آؤٹ اننگ کھیلی، مچل اوون ایک، کپتان بابراعظم 8 رنز بنا کر پویلین لوٹ گئے۔
قبل ازیں ملتان کرکٹ سٹیڈیم میں ہونے والے میچ میں ملتان سلطانز کے کپتان محمد رضوان نے پشاور زلمی کیخلاف ٹاس جیت کر بیٹنگ کو ترجیح دی، تاہم پہلے بیٹنگ کرتے ہوئے ملتان سلطانز کی پوری ٹیم 19.1 اوورز میں 108 رنز بناکر پویلین لوٹ گئی۔
ملتان سلطانز کی جانب سے شائی ہوپ 23 اور طیب طاہر 22 رنز بنا کر نمایاں رہے، کپتان محمد رضوان نے 17اور یاسر خان نے 10، محمد حسنین نے 11 اور ڈیوڈ ویلی نے 8 رنز بنائے۔
پشاور زلمی کی جانب سے احمد دانیال نے 3، معاذ صداقت اور لیوک ووڈ نے 2، 2 جبکہ الزاری جوزف، صائم ایوب اور علی رضا نے ایک ایک کھلاڑی کو پویلین کی راہ دیکھائی۔
