دورہ ویسٹ انڈیز: ون ڈے سکواڈ میں شامل قومی کھلاڑی امریکا روانہ

لاہور: (دنیا نیوز) پاکستان کرکٹ ٹیم کے ون ڈے سکواڈ میں شامل کھلاڑی ویسٹ انڈیز کیخلاف سیریز کیلئے امریکا روانہ ہو گئے۔

بابر اعظم، ون ڈے ٹیم کے کپتان محمد رضوان، نسیم شاہ اور عبداللہ شفیق امریکا میں موجود ٹی 20 سکواڈ کو جوائن کریں گے، امریکا میں ٹی 20 سیریز کے بعد پاکستان ٹیم ویسٹ انڈیز جائے گی۔

پاکستان اور ویسٹ انڈیز کے درمیان 3 ون ڈے میچز کی سیریز ٹرینیڈاڈ میں کھیلی جائے گی، پاکستان اور ویسٹ انڈیز کے درمیان ون ڈے سیریز کا آغاز 8 اگست سے ہو گا۔

دوسری جانب پاکستان نے 3 ٹی 20 میچز کی سیریز کے پہلے میچ میں ویسٹ انڈیز کو 14 رنز سے شکست دے دی ہے۔

پاکستان کے 179 رنز کے ہدف کے جواب میں ویسٹ ایڈیز کی ٹیم مقررہ 20 اوورز میں 7 وکٹوں کے نقصان پر 164 رنز بنا سکی، امریکی ریاست فلوریڈا کے شہر لاؤڈرہل میں کھیلے گئے پہلے ٹی 20 میچ میں پاکستان نے مقررہ 20 اوورز میں 6 وکٹ کے نقصان پر 178 رنز سکور کیے تھے۔