ٹرینیڈاڈ: (دنیا نیوز) قومی ٹیم کے کپتان محمد رضوان نے ویسٹ انڈیز سے شکست کی وجہ جلد وکٹیں گرنے کو قرار دے دیا۔
ویسٹ انڈیز نے پاکستان کو سیریز کے آخری اور فیصلہ کن ون ڈے میں 202 رنز سے شکست دے کر 3 میچز پر مشتمل سیریز 1-2 سے اپنے نام کر لی۔
میچ کے بعد میڈیا سے گفتگو کرتے ہوئے قومی ٹیم کے کپتان محمد رضوان نے کہا ہے کہ ابتدائی 40 اوورز تک میچ ہمارے ہاتھوں میں تھا لیکن پھر ویسٹ انڈین بیٹرز نے شاندار بیٹنگ کی۔
رضوان نے کہا ہے کہ شائے ہوپ نے عمدہ اننگز کھیلی، ہدف کے تعاقب میں 3 وکٹیں جلد گرنے کے بعد سنبھل نہ سکے، جیڈن سیلز نے پوری سیریز میں بہت اچھی باؤلنگ کی ہے۔
قومی ٹیم کے کپتان کا مزید کہنا تھا کہ ایک پچ پر تیسرا میچ کھیل رہے تھے، آخری 10 اوورز میں ویسٹ انڈین بیٹرز نے بہت اچھی بیٹنگ کی، کہہ سکتے ہیں کہ ہمارے پاس پانچواں باؤلر نہیں، صائم، سلمان 8، 8 اوورز کرتے ہیں۔
