دبئی: (دنیا نیوز) پاکستان کرکٹ ٹیم کے بولنگ کوچ ایشلے نوفکی نے کہا کہ بطور ٹیم بیٹنگ، بولنگ اور فیلڈنگ کی تیاریاں اچھی جا رہی ہیں۔
دبئی میں میڈیا سے گفتگو کرتے ہوئے پاکستان کرکٹ ٹیم کے بولنگ کوچ ایشلے نوفکی کا کہنا تھا کہ ٹرائی نیشن سیریز اور ایشیا کپ کے لیے پاکستان کرکٹ ٹیم کی تیاریاں بہترین ہیں۔
انہوں نے کہا کہ ہم جلدی یہاں آئے اس لئے کنڈیشنز سے ہم آہنگ ہونے میں مدد ملی، شاہین شاہ آفریدی، حارث رؤف، حسن علی اور دیگر بولرز کی تیاری اچھی ہے۔
ایشلے نوفکی کا کہنا تھا کہ کھلاڑیوں نے نیٹ سیشنز میں حصہ لیا، یہاں ہر دن مختلف کنڈیشنر ہوتی ہیں۔ پچز مختلف ہیں سلیکٹرز نے ٹیم سلیکٹ کی ہے، کبھی اسپن سے مدد ملتی تو کبھی فاسٹ بولنگ سے۔
انہوں نے کہا کہ نوجوان کھلاڑی بیٹنگ اور بولنگ دونوں سے محنت کر رہے ہیں، نوجوان ٹیلنٹ کو دیکھ کر خوشی ہوتی ہے۔
