لاہور: (دنیا نیوز) چیئرمین پی سی بی محسن نقوی کی تین ملکی ٹی ٹوئنٹی سیریز جیتنے پر پاکستانی ٹیم کو مبارکباد دی۔
چیئرمین پی سی بی محسن نقوی نے ہیٹ ٹرک اور جارحانہ بیٹنگ پر محمد نوازکی آل راؤنڈ کارکردگی کی خصوصی طور پر تعریف کی، انہوں نے کہا کہ محمد نواز کی باؤلنگ نے میچ کا پانسہ پلٹ دیا، پاکستانی کھلاڑیوں نے کم سکور کے باوجود ٹیم ورک کا مظاہرہ کرکے فائنل میں افغانستان کو ہرایا۔
محسن نقوی نے کہا کہ ہیڈ کوچ مائیک ہیسن، کپتان سلمان آغا اور تمام کھلاڑیوں کو فائنل میں فتح پر مبارکباد دیتا ہوں، پاکستانی کھلاڑیوں نے افغان ٹیم کو آؤٹ کلاس کرکے جیت اپنے نام کی، قوم بجا طور پر ٹیم سے ایسی ہی اعلی ٰ کارکردگی کی توقع رکھتی ہے۔
چیئرمین پی سی بی کا کہنا تھا کہ جیت سے کھلاڑیوں کا مورال بلند ہوا ہے، امید ہے کہ پاکستانی ٹیم ایشیا کپ میں بھی ایسی ہی عمدہ کارکردگی دکھائے گی۔
