شارجہ: (ویب ڈیسک) پاکستان ٹی 20 ٹیم کے کپتان سلمان علی آغا نے کہا ہے کہ ایشیا کپ کیلئے تیار ہیں، اُمید ہے اچھے نتائج دیں گے۔
شارجہ میں سیریز جیتنے کے بعد پریس کانفرنس کرتے ہوئے قومی کپتان سلمان علی آغا نے کہا ہے کہ ہوم سیریز کے بعد اعتماد تھا کہ موجودہ ٹیم کے ساتھ جیت سکتے ہیں، موجودہ پچ پر 140 بڑا چیلنجنگ سکور تھا، افغان ٹیم کے پاس دنیا کی بہترین سپن بولنگ ہے۔
انہوں نے کہا ہے کہ افغان سپنرز کے خلاف شاندار بیٹنگ پرفارمنس دی، وکٹ دیکھ کر سپنرز کھلانے کا فیصلہ کیا، محمد نواز نے ہمیشہ وننگ پرفارمنس دی ہے، وکٹ کے معائنے کے بعد 2 سپنرز کھلائے جس سے کامیابی ملی۔
قومی ٹی 20 کے کپتان سلمان علی آغا نے پریس کانفرنس کے دوران مزید کہا ہے کہ دوسری ٹیموں کی رینکنگ پر نہیں اپنی کارکردگی پر توجہ ہے، ایشیا کپ کے لیے مکمل تیار ہیں۔
