لاہور: (دنیا نیوز) ورلڈ بلائنڈ کرکٹ کونسل نے پہلے ویمنز بلائنڈ کرکٹ ورلڈ کپ کے شیڈول کی منظوری دے دی ہے، ایونٹ کا فائنل بھارت کے بجائے اب سری لنکا میں کھیلا جائے گا۔
صدر کونسل سلطان شاہ کے مطابق افتتاحی میچ بھارت اور نیپال کی ٹیموں کے درمیان ہو گا، پاکستان بلائنڈ ویمنز ٹیم اپنا پہلا میچ 14 نومبر کو سری لنکا کے خلاف کھیلے گی جبکہ دوسرا میچ 15 نومبر کو آسٹریلیا کے خلاف ہوگا۔
شیڈول کے مطابق پاکستان کا چوتھا میچ 16 نومبر کو انگلینڈ کے ساتھ اور روایتی حریف بھارت کے خلاف بڑا ٹاکرا 18 نومبر کو کولمبو میں ہوگا، پاکستان 19 نومبر کو نیپال اور 20 نومبر کو امریکہ کے خلاف اپنا آخری لیگ میچ کھیلے گا۔
ایونٹ کے دوران بھارت کے شہروں بنگلور اور نئی دہلی میں مجموعی طور پر 9 میچز کھیلے جائیں گے جبکہ دونوں سیمی فائنل اور فائنل سمیت 15 میچز کولمبو سری لنکا میں ہوں گے۔
