کراچی: (دنیا نیوز) سندھ حکومت نے کراچی سمیت صوبہ کے 6 بڑے شہروں میں بڑی سکرین پر پاکستان اور بھارت کا فائنل میچ براہ راست دکھانے کا اعلان کیا ہے۔
ایشیا کپ کرکٹ ٹورنامنٹ 2025 کا فیصلہ کن معرکہ آج دبئی میں روایتی حریفوں پاکستان اور بھارت کے درمیان کھیلا جا رہا ہے، ایشیا کپ کی 41 سالہ تاریخ میں یہ پہلا موقع ہے کہ فائنل میں دونوں ٹیمیں ایک دوسرے کے آمنے سامنے ہیں۔
ترجمان محکمہ کھیل نے بتایا کہ کراچی میں سندھ یوتھ کلب گلستان جوہر اور حیدرآباد میں سندھ سپورٹس بورڈ ہاسٹل میں میچ دکھایا جائے گا، اسی طرح گھوٹکی کے علی محمد خان مہر سپورٹس کمپلیکس اور شہید بینظیرآباد کے بلاول سپورٹس کمپلیکس میں بھی بڑی سکرینز نصب کی جائیں گی۔
ترجمان کا کہنا تھا کہ میرپورخاص کے شہید محترمہ بینظیر بھٹو گاما سٹیڈیم اور لاڑکانہ کے کھڑا کمپلیکس میں بھی شائقین کرکٹ پاک بھارت فائنل کا براہِ راست لطف اٹھا سکیں گے۔
