لاہور: (دنیا نیوز) پاکستان کرکٹ ٹیم نے بھارت کے خلاف ایشیا کپ فائنل کی پوری فیس بھارتی حملے میں شہید ہونے والے شہریوں کے نام کر دی۔
گزشتہ روز دبئی میں کھیلے گئے ایشیا کپ کے فائنل میں بھارت نے سنسنی خیز مقابلے کے بعد پاکستان کو آخری اوور میں 5 وکٹوں سے شکست دی۔
پاکستان کرکٹ بورڈ کی جانب سے سوشل میڈیا پر بیان جاری میں کہا گیا ہے کہ پاکستان کرکٹ ٹیم ایشیا کپ کے فائنل کی تمام فیس 7 مئی کو ہونے والے حملے میں شہید ہونے والے بچوں اور عام شہریوں کے نام کرتی ہے، ہماری دعائیں متاثرہ خاندانوں کے ساتھ ہیں۔
— Pakistan Cricket (@TheRealPCB) September 28, 2025
گزشتہ روز میچ کے بعد پریس کانفرنس میں پاکستان کرکٹ ٹیم کے کپتان سلمان علی آغا نے بھی اعلان کیا تھا کہ ایشیا کپ کے فائنل کی میچ فیس بھارتی حملوں میں جاں بحق ہونے والے پاکستانی شہریوں اور بچوں کے لواحقین کو عطیہ کی جائے گی۔
یاد رہے کہ بھارت کی جانب سے رواں برس 7 مئی میں پاکستان پر میزائل حملہ کیا گیا جس میں متعدد پاکستانی شہید اور زخمی ہوئے تھے تاہم پاکستان نے بھارتی جارحیت کا منہ توڑ جواب دیتے ہوئے ناصرف دشمن کے طیارے گرائے بلکہ متعدد ایئر بیسز کو بھی تباہ کیا جس کے بعد امریکا کی مداخلت سے جنگ بندی ممکن ہوئی۔
