لاہور: (دنیا نیوز) قومی سلیکشن کمیٹی نے جنوبی افریقہ کے خلاف دو ٹیسٹ میچز پر مشتمل سیریز کے لیے 18 رکنی قومی سکواڈ کا اعلان کر دیا۔
شان مسعود بدستور ٹیم کی قیادت کریں گے جبکہ تین نئے کھلاڑی آصف آفریدی، فیصل اکرم اور روحیل نذیر کو سکواڈ میں شامل کیا گیا ہے۔
سیریز کا پہلا ٹیسٹ 12 سے 16 اکتوبر تک لاہور کے قذافی سٹیڈیم میں اور دوسرا ٹیسٹ 20 سے 24 اکتوبر تک راولپنڈی میں کھیلا جائے گا، کیمپ 30 ستمبر سے 8 اکتوبر تک لاہور میں جاری رہے گا جس کے بعد پہلے ٹیسٹ سے قبل سکواڈ مزید مختصر کیا جائے گا۔
ایشیا کپ کھیلنے والے کھلاڑی 4 اکتوبر کو سکواڈ کو جوائن کریں گے۔
.jpg)
منتخب سکواڈ میں کپتان شان مسعود، بابر اعظم، محمد رضوان، شاہین شاہ آفریدی، عبداللہ شفیق، امام الحق، سلمان علی آغا، سعود شکیل، عامر جمال، حسن علی اور خرم شہزاد شامل ہیں۔
نعمان علی، ساجد خان، کامران غلام اور ابرار احمد، فیصل اکرم، آصف آفریدی اور روحیل نذیر بھی کو جنوبی افریقہ کیخلاف ٹیسٹ سریز کیلئے 18 رکنی ٹیم کا حصہ بنایا گیا ہے۔
