راولپنڈی: (دنیا نیوز) قومی کرکٹ ٹیم کے کھلاڑیوں نے پاکستان کا دورہ جاری رکھنے پر سری لنکن ٹیم کا شکریہ ادا کیا ہے۔
پاکستان کرکٹ بورڈ کی جانب سے جاری ویڈیو میں ون ڈے کرکٹ ٹیم کے کپتان شاہین شاہ آفریدی نے پاکستان کا دورہ جاری رکھنے پر سری لنکن ٹیم کا شکریہ ادا کیا، پیغام میں شاہین آفریدی نے کہا کہ شائقین کل میچ دیکھنے راولپنڈی سٹیڈیم ضرور آئیں۔
اس کے علاوہ محمد رضوان، حارث روف ، سلمان علی آغا اور ابرار احمد نے بھی سری لنکن کرکٹ بورڈ اور سری لنکن ٹیم کا شکریہ ادا کیا۔
— Pakistan Cricket (@TheRealPCB) November 13, 2025
یاد رہے کہ گزشتہ روز سری لنکن کرکٹ ٹیم کے مینجرکا بیان سامنے آیا تھا کہ سری لنکن کرکٹ ٹیم کے کھلاڑی دورہ پاکستان ادھورا چھوڑ کر واپس جانا چاہتے ہیں۔
تاہم پاکستان کرکٹ بورڈ نے سری لنکن ٹیم کی سکیورٹی بڑھانے کی یقین دہانی کروائی جس کے بعد سری لنکن کرکٹ ٹیم نے دورہ پاکستان جاری رکھنے کا فیصلہ کیا۔
پاکستان اور سری لنکا کے درمیان ون ڈے سیریز کے بقیہ دو میچز کا شیڈول تبدیل کیا گیا جس کے بعد یہ میچز14 اور 16 نومبر کو کھیلیں جائیں گے۔
