کوئٹہ(دنیا نیوز )بلوچستان کے دارالحکومت کے کسٹمز نے نوکںدی میں بڑی کارروائی کرتے ہوئے 13 کروڑروپے مالیت کاسمگل شدہ سامان برآمد کرلیا ہے۔
ذرائع کے مطابق ترجمان کسٹمز کی جانب سے بتایا گیا کہ کسٹمز کے عملے نے ایف سی کےساتھ ملکر نوکنڈی میں خفیہ اطلاع پر ایک گودام پر چھاپہ مارا ،جس دوران بڑی تعداد میں سمگل شدہ سامان برآمد کرلیا گیا جو اندرون صوبہ سمگل کیاجاناتھا۔
پکڑے جانےوالے سامان میں کپڑا، ٹائرز، کمبل، الیکٹرانکس کاسامان اور موٹر آئل شامل ہے جس کی مالیت 13کروڑ روپے ہے۔
