سکھر:(دنیا نیوز) وفاقی تحقیقاتی ادارے (ایف آئی اے) سائبر کرائم نے نازیبا ویڈیوز اور تصاویر سوشل میڈیا پر شیئر کرنے اور خاتون کو بلیک میل کرنے والے ملزم کو گرفتار کرلیا۔
ایف آئی اے حکام کےمطابق ملزم افسر راجپوت کو گرفتار کر کے مقدمہ درج کیا گیا، ملزم خاتون کی نازیبا ویڈیو اور تصاویر سوشل میڈیا پر شیئر کرتا تھا جبکہ وہ دوستوں کے ذریعے بھی نازیبا ویڈیو اور تصاویر شیئر کروا رہے تھے۔
حکام کا مزید کہنا تھا کہ ملزم نے جرم کا اعتراف بھی کیا ہے، مزید تفتیش کی جا رہی ہے جبکہ ملزم نے پہلے خاتون سے دوستی کی بعد میں بلیک میل کرنے لگا۔
